قصيدة آمــــي
تدرون مين اللي خذت كل همي
ومين الجمال اللي يغطي الملايين
ومين الحنان اللي مسميه رقمي
ومين الملاك اللي تهز السلاطين
هي تاج ابوي وتاج خالي وعمي
هي منوتي هي دنيتي بالمحبين
تعرف من عيوني خفايات كتمي
تجنن المجنون وسط المجانين
فديتها بروحي وراسي ودمي
فديتها بعمري وقلبي وهالعين
احبها والحب غالي ورسمي
حبن صدوق ولاهو يسار ويمين
تدرون مين اقصد من اليوم ( امي )
اللي خذت قلبي من سنين وسنين
كل الهنا لا صار خشمي وفمي
تحت يقبل رجلها كل يومين
اعرف طعم اسمي ليا قالت اسمي
واجي والبي باسمها (دانه الزين)
واحتار بين (ابشر ، وحاظر ، وسمي)
واليا طلبت مني طلب ياتي الحين
ما انسى تعبها يوم عانت بغمي
يا كيف بنسى وقفه العسر واللين
تامر علي امي ومن فوق خشمي
الوالدين نبرهم ، برهم دين
اي لا فيو يمه يو لو فيو مي ؟
يا جعل يومي قبل يومك بعامين
